Dhoma Vendore e Avokatisë Lezhë reagon, në lidhje me arrestimit një ditë më parë të kreut të kasaj dhome Sami Dema.

“Arrestimi i kryetarit të Dhomes Vendore të Avokatisë Lezhë, që përfaqëson tre rrethe është show dhe cënim i profesionit të Avokatit në Republiken e Shqipërisë. Drejtësia e Re u betua se do të ngrihej mbi parimet e deklarates universal për të drejtat e njeriut, barazinë para ligjit.Por SPAK vërtetoj terësisht të kunderten, duke shkelur me të dyja këmbet të gjitha parimet mbi të cilat duhej të bazohej drejtësia. Përse masa e sigurimit përsonal “Arrest në burg” në mungesë? Pse nuk janë ezauruar proçedurat për njoftimin e të akuzuarit dhe të njoftohej të marrë pjesë në seancen e vlersimit të arrestimit?

Që të kuptohet nëse ka veper penale, absolutisht duhet të marrë dënimin përkatës sipas ligjit, por në asnjë mënyrë nuk pajtohem me show të drejtësisë dhe me nëpërkëmbjen e një profesioni kaq fisnik, siç është ai i avokatit.Me këtë rast të papreçedent i bëj thirrje të gjithë kolegeve të protestojmë, në krah të respektimit të ligjit, e të respektimit të të drejtave të njeriut si dhe venien në vendin e duhur të drejtat dhe figuren e profesionit të avokatit në Republiken e Shqipërisë” u shpreh Shaqe Marinaj, nënkryetare e Dhomës së Avokatisë Lezhë.

Kujtojmë se Sami Dema është vënë në pranga ndërsa rezultonte i shpallur në kërkim pasi Gjykata e Posaçme Kundër Korrupsionit dhe Krimit të Organizuar, Tiranë, më datë 09.06.2020 i ka caktuar masën e sigurisë “Arrest në burg”, për veprat penale ”Korrupsion aktiv i gjyqtarit, prokurorit dhe funksionarëve të tjerë të drejtësisë” dhe “Ushtrimi i ndikimit të paligjshëm ndaj personave që ushtrojnë funksione publike”.

Në vitin 2019, specialistët për Krimin Ekonomik e Financiar në DVP Lezhë kanë referuar materialet procedurale në Prokurorinë e Krimeve të Rënda për këtë shtetas, pasi ky shtetas, me profesion avokat, iu merrte lekë shtetasve të ndryshëm, me qëllim për të ndikuar tek prokurori apo gjyqtari, për lehtësim të masës së dënimit.

Arrestimi është bërë nga shërbimet e Komisariatit të Policisë Kurbin, në vijim të punës për kapjen e personave në kërkim, bazuar në informacionet e marra në rrugë operative për vendodhjen e një shtetasi të shpallur në kërkim, organizuan punën duke bërë të mundur kapjen dhe vënien në pranga të shtetasit në kërkim S. D., 56 vjeç, banues në Kurbin, me profesion avokat.

/faxweb

Subscribe kanalin tonë në Youtube për të mos humbur asnjë video të re