Dy efektivë të tjerë të policisë janë arrestuar për korrupsion. Në pranga kanë rënë efektivët Ardit Doçi dhe Endri Beramaj, të cilët janë arrestuar nga Agjencia e Mbikëqyrjes Policore në Tiranë.
Doçi dhe Beramaj shërbenin në komisariatin e policisë në Rinas.
Ata akuzohen për korrupsion pasiv i kryer në bashkëpunim.
Dy efektivët janë arrestuar në kushtet e flagrancës, pasi i kanë bërë presion një qytetareje e cila donte të dilte nga shqipëria.
Efektivët kanë pretenduar se kanë kaluar afatet për të udhëtuar drejt BE dhe i kanë kërkuar shuma parash qytetares duke e mashtruar se nuk mund të udhëtonte dot.