Një jaht ku fshihej as më pak e as më shumë, por të paktën gjysmëtoni kokainë është kapur nga autoritetet bregdetare jugperëndimore të Australisë, pranë Newcastle, ndërsa 3 persona janë arrestuar.
Policia ka publikuar edhe fotot e sasisë gjigante të lëndës narkotike, që do të kapte vlerën e 245 milionë dollarëve nëse do të hidhej në treg.
Mjeti lundrues është kapur në Toronto, pranë liqenit Macquarie, ditën e mërkurë, pas një hetimi ndërkombëtar për trafikun e narkotikëve përmes rrugëve detare.
Tre persona janë arrestuar dhe akuzuar për importimin e drogës, e pritet të dalin para Gjykatës së Newcastle ditën e enjte, ndërsa zyrtarë policorë të NSW-së, ata të policisë federale australiane dhe forcat kufitare do t’iu adresohen medieve pak më vonë në Sidnej.
Sasia e drogës peshonte rreth 700 kg, ndërsa identiteti apo kombësia e trafikantëve ende nuk bëhet i ditur.
