Nika Melia, kreu i opozitës kryesore Lëvizja Kombëtare e Bashkuar është arrestuar në një operacion të organizuar nga forcat speciale që erdhën në selinë e partisë në kryeqytetin e Gjeorgjisë, Tbilisi.

Me kërkesë të Kryeprokurorisë së Gjeorgjisë, Melia, i cili nuk është dorëzuar në polici deri më tani, megjithë heqjen e prokurës së tij në seancën e jashtëzakonshme parlamentare të mbajtur javën e kaluar është vendosur për ndalimin e tij nga Gjykata e Qytetit Tbilisi, Melia u arrestua në një operacion ku morën pjesë qindra policë.

Shumë ekipe të policisë arritën në selinë e partisë në mëngjes, duke u përpjekur të zbatonin urdhrin për arrestimin e Melia-s. Forcat e sigurisë, të cilët hynë në të gjitha hyrjet e ndërtesës dhe përmes çatisë, së pari nxorën mbështetësit e Melia-s, përfaqësuesit e partive të tjera të opozitës dhe përfaqësuesit e mediave.

Pas operacionit që zgjati rreth një orë, Melia u arrestua dhe u dërgua në stacionin e policisë. Gjatë operacionit pati një përplasje midis forcave të sigurisë dhe kundërshtarëve që reaguan ndaj operacionit, ku disa persona u arrestuan.

Akuzat ndaj Melia-s

Në seancën e Asamblesë së Përgjithshme Ndërparlamentare Ortodokse të 26-të në Gjeorgji më 20 qershor 2019, mijëra persona protestuan kundër anëtarit të Partisë Komuniste Ruse dhe deputet i Dumës Shtetërore Ruse, Sergei Gavrilov, i cili ishte në delegacionin rus, mori postin e kryetarit të parlamentit.

Melia, i cili u arrestua për provokimin e protestuesve dhe më pas u la i lirë me kusht, më pas u arrestua përsëri pasiqë nuk e pagoi dënimin e tij.

Me kërkesë të Zyrës së Prokurorit të Përgjithshëm, partia gjeorgjiane në pushtet, “Ëndrra gjeorgjiane” e cila posedon shumicën, votoi për largimin e Melia-s në seancën e jashtëzakonshme parlamentare të mbajtur dje. Gjykata e Qytetit Tbilisi gjithashtu ndaloi Melia-n, por udhëheqësi kryesor i opozitës nuk u dorëzua në polici.

Në një konferencë të përbashkët për media me udhëheqësit e opozitës që vizituan partinë e tij për ta mbështetur atë, Melia njoftoi se nuk e pranonte vendimin e gjykatës dhe nuk do të dorëzohej në polici.

Dorëheqja e kryeministrit Gakharia

Kryeministri gjeorgjian Giorgi Gakharia më 18 shkurt tha se ka dhënë dorëheqje për shkak të mospajtimeve me kabinetin e tij në lidhje me arrestimin e udhëheqësit kryesor të opozitës, kreut të Lëvizjes Kombëtare të Bashkuar, Nika Melia.

Duke kritikuar vendimin për të arrestuar Melia-n, Gakharia tha se tensionet politike tashmë po ndodhnin në vend dhe se vendimi do të rrisë më shumë tensionet.

Kryeministri i ri Irakli Garibashvili dje mori një votim besimi nga parlamenti. Garibashvili kishte premtuar në fjalimin e tij në parlament se urdhri për paraburgimin e Melia-s do të zbatohej me mjete ligjore.