Skip to content

Arrihet konsensus për “spiunët”/ PS dhe grupi “Alibeaj”: Verifikim nga e para çdo politikani. Hapen dosjet

Ndajeni këtë artikull me të tjerë duke klikuar ikonat më poshtë

Subscribe

Autoriteti për hapjen e dosjeve do të ketë të drejtë të verifikojë edhe njëherë lidhjet e politikanëve me ish-sigurimin e shtetit, pavarësisht se për këtë çështje ata janë kontrolluar në vitet 90.

 

Partia Socialiste dhe deputetët demokratë të drejtuar nga Enkelejd Alibeaj kanë bashkuar votat në komisionin e ligjeve për të hequr çdo pengesë në punën e autoritetit për hapjen e dosjeve.

Por kundër kësaj nisme ligjore është pozicionuar PD dhe Partia e Lirisë.

OERD BYLYKBASHI

NENKRYETAR I PD

 

“Duhet lustracion”

 

ERISA XHIXHO

DEPUTETE, PARTIA E LIRISE

“Është ligj për të goditur kundërshtarin politik”.

 

Nga ana tjetër mazhoranca për herë të parë pranoi një nismë të grupit Alibeaj, duke miratuar kërkesën e tij për të deklasifikuar të gjitha dosjet e ish-sigurimit të shtetit.

 

Debati për bashkëpunëtorët e ish-sigurimit të shtetit u rikthye në skenën politike në 26 korrik kur autoriteti për hapjen e dosjeve gjeti të dhëna se ish-Presidenti i Republikës Ilir Meta ka qenë bashkëpunëtor i ish-sigurimit të shtetit. Në një letër drejtuar Kuvendit, Autoriteti shprehu shqetësimin se nuk mund të kryejë verifikimin e plote për Ilir Metën, pasi ligji ia ndalon atij të kontrolloje politikanët që e kanë marrë një certifikatë pastërtie në vitet 90 nga komisionet e njohura me emrat e kryetarëve të tyre, Mezini e Bezhani siç është rasti i ish-kreut të shtetit.

 

Vetë Ilir Meta hodhi poshtë gjetjet e Autoritetit për hapjen e dosjeve si sulm politik ndaj tij duke i paditur të gjithë anëtarët në prokurori. Por me miratimin në seancë plenare të këtij ndryshimi ligjor autoriteti për hapjen e dosjeve ka të gjithë hapësirën ligjore për t’i shkuar deri në fund verifikimit të së kaluarës së Ilir Metës.

Ndajeni këtë artikull me të tjerë duke klikuar ikonat më poshtë