Prokuroria për herë të parë merr të pandehur dy “peshq të mëdhenj” brenda radhëve të saj.
Bëhet fjalë për dy bashkëshortët, Dritan Gina dhe Rovena Gashi. Kjo e fundit ka mbajtur postin e kreut të marrëdhënieve me jashtë dhe kreu dekriminalizimit në Prokurorinë e Përgjithshme, ndërsa bashkëshorti ka qenë kreu i Prokurorisë së Elbasanit.
Përkatësisht janë dy nga njerëzit më të afërt të Adriatik Llallës që ndodhen nën hetime.
Çifti i prokurorëve janë pezulluar pasi sipas prokurorisë janë marrë të pandehur për refuzimin të deklarimit të pasurisë.
Menjëherë pas marrjes së pandehur, Arta Marku i ka larguar përfundimisht nga prokuroria dy bashkëshortët.
Prokurorja Gashi dhe Gina do të jenë e pezulluar deri në përfundim të hetimeve ose gjykimit të procedimit penal të regjistruar pranë Prokurorisë pranë Gjykatës së Shkallës Parë, Durrës.
