Dekani i Fakultetit të Drejtësisë, Artan Hoxha kërkon të zërë vendin e Rektorit të Universitetit të Tiranës, Mynyr Koni.
Këtë të mërkurë ai ka regjistruar kandidaturën e tij për zgjedhjet. Gara për të zëvendësuar Konin ka nisur qysh në javën e parë të prillit dhe mundësia për të marrë pjesë në të është deri në 8 maj.
Këtë vit, për shkak të pandemisë, studentët nuk do të mund të votojnë, qoftë për rektorin, ashtu edhe për senatin akademik.