TIRANE- Gazetari investigativ Artan Hoxha deklaroi se emri i vëllait të ministrit të Brendshëm Fatmir Xhafajt nuk është më Agron Xhafajt. I ftuar në emisionin ‘Opinion’ Hoxha tha se Agroni tashmë në gjendje civile mban emrin Geron.
“Edhe nëse ka pasur një aktivizim, duhet parë me çfarë identiteti që ka me vendimin e Interpol. Unë kam një certifikatë të gjendjes civile që rezulton me emër tjetër. Emri është Geron Xhafaj. Në zyrën e gjendjes civile është me këtë emër”, tha Hoxha.
Opozita prej kohës ka sulmuar ministrin Xhafaj se mbron vëllain e tij, që sipas tyre është i përfshirë në lidhje me trafikun e drogës në Itali.
Që prej dy ditësh opozita ka publikuar disa dokumente ku akuzohet Agron Xhjafaj për lidhje me organizata kriminale dhe faktin që kërkohet nga drejtësia italiane.(ed.me/BalkanWeb)
