Presidenti i Asamblesë së Përgjithshme të Kombeve të Bashkuara (OKB), Volkan Bozkır, ka deklaruar se nuk do të ketë mbështetje nga OKB-ja për grusht shtetet ushtarake, pa marrë parasysh se në cilin vend mund të ndodhë kjo.

“Duke folur për OKB-në, unë mund t’ju siguroj se gjatë presidencës sime asnjë grusht shtet ushtarak në asnjë vend nuk do të mbështet”, tha Bozkır para ligjvënësve në parlamentin turk.

Në ditën e dytë të vizitës zyrtare në vendin e tij të lindjes, Bozkır tha se ai është i shqetësuar për situatën në Mianmar që kur ushtria në vendin e Azisë Juglindore mori pushtetin më 1 shkurt.

Ai theksoi se OKB-ja “ka kërkuar që grusht shteti ushtarak të dënohet dhe që kryeministrja dhe liderët e zgjedhur atje të lirohen sa më parë”.

Më 1 shkurt, ushtria e Mianmarit mori pushtetin duke rrëzuar qeverinë e zgjedhur të Aung San Suu Kyi dhe duke i dhënë fund eksperimentit të shkurtër të vendit me sundimin demokratik.

Një fushatë e mosbindjes civile me demonstrata masive dhe aksione kaloi me dhunë vdekjeprurëse.

Bozkır tha se për shkak të pandemisë së koronavirusit të ri (COVID-19) bota po përballet me kontradiktën më të thellë ekonomike globale që nga Depresioni i Madh.

Siç theksoi presidenti i Asamblesë së Përgjithshme të OKB-së, bota do të përballet me një situatë të rëndësishme pas pandemisë COVID-19.

“Ne jo vetëm që duhet të heqim qafe pandeminë, por po ashtu duhet të planifikojmë atë që do të bëjmë në periudhën pas pandemisë dhe duhet të vendosim se cilave vende duhet t’u japim përparësi. Mbi 115 milionë njerëz janë në rrezik të bien në varfëri ekstreme dhe uri”, u shpreh Bozkır.