Një atentat ka ndodhur në Mamurras, mbrëmjen e 3 tetorit ku është qëlluar me armë ndaj një automjeti në ecje. Burime për Shqiptarja.com thanë se ngjarja ka ndodhur rreth orës 22:00, mbrëmjen e 3 tetorit, kur Kreshnik Pistja ka qenë duke lëvizur me automjet pranë autostradës Mamurrasit, duke shkuar për në banesë.
Në ecje e sipër ndaj automjetit të tij është qëlluar disa herë me armë, ku plumbat kanë mbërritur deri në sediljen e parë të pasagjerit, por fatmirësisht nuk e ka kapur asnjëri prej tyre. Për ngjarjen është njoftuar policia e Kurbinit dhe e Mamurrasit dhe po punohet për zbardhjen e plotë të ngjarjes.
Burime nga policia thanë se në vendin e ngjarjes nuk janë gjetur gëzhoja. Ndërkohë Report Tv sjell videot ekskluzive nga automjeti në fjalë dhe shenjat e plumbave deri në sediljen e parë të pasagjerit.Automjeti aktualisht ndodhet në komisariatin e Policisë në Laç.
[youtube https://www.youtube.com/watch?v=sP2ucM9t8wE?feature=oembed&w=500&h=281]
