Një person ka mbetur i pajetë pasditen e kësaj të shtune në aksin rrugor Korçë-Pogradec, në afërsi të fshatit Pirg, si pasojë e një aksidenti automobilistik.
Policia bën me dije se një makinë “Audi” që drejtohej nga shtetasi me iniciale A.R ka përplasur 64 vjeçarin, i cili ishte duke lëvizur në këmbë.
Viktima me iniciale F.Z ka humbur jetën në vend, ndërsa shoferi është arrestuar nga policia.
Maliq/Informacion paraprak
Më datë 19.11.2022, rreth orës 17:20, në aksin rrugor Korçë-Pogradec, në afërsi të fshatit Pirg, Maliq, automjeti tip “Audi” me drejtues shtetasin A. R., ka përplasur këmbësorin F. Z., rreth 64 vjeç, banues në fshatin Pirg, Maliq, i cili për pasojë ka gjetur vdekjen.
Me shtetasin A. R., po kryhen veprimet e mëtejshme procedurale.
Grupi hetimor po punon për përcaktimin e shkaqeve të aksidentit.
