Autoritetet australiane kanë filluar evakuimin e disa qindra të dënuarve nga një burg për shkak të infektimit të minjve, thanë zyrtarët lokalë, duke shtuar se të burgosurit do të transferohen diku tjetër derisa dëmtimi i shkaktuar nga brejtësit të rregullohet.
Minjtë dëmtonin muret dhe gërvishnin kabllot në një burg në Wellington, Uellsi i Ri Jugor.
“Shëndeti, siguria dhe mirëqenia e stafit dhe të paraburgosurve janë përparësitë tona kryesore. Kjo është arsyeja pse është e rëndësishme të veprohet sa më shpejt që të jetë e mundur në mënyrë që të rregullohet”, deklaruan autoritetet lokale.
Më shumë se 400 të burgosur dhe 200 punonjës do të transferohen në institucione të tjera deri në fund të qershorit.
Pjesa lindore e Australisë ka qenë objektiv i një pushtimi të minjve që hyjnë në shtëpi dhe shkatërrojnë të korrat për muaj me radhë.
Brejtësit u shfaqën në tetor për shkak të një korrje jashtëzakonisht të mirë pas thatësirës së madhe.
