Një ushtar i KFOR-it ka humbur jetwn nga aksidenti i rëndë i ndodhur nw aksin Prishtinë-Pejë, konkretisht në fshatin Leshan.
Lajmi u konfirmua nga zëdhënësi i Prokurorisë Themelore të Pejës, Shkodran Nikçi, shkruan Telegrafi.
Sipas tij, njëri prej dy të lënduarve nga aksidenti është dërguar në QKUK dhe dyshohet se ka shkaktuar aksidentin.
Në këtë aksident të përfshirë, ishin dy automjete, njëra prej tyre ishte e Misionit të NATO-së, KFOR.
Prokurori i shtetit për të dyshuarin në fjalë ka dhënë urdhër për ndalim 48 orësh. Edhe KFOR ka dhënë detaje për aksidentin me fatalitet.
Përmes një komunikimi ka bërë të ditur se një ushtar i Ushtrisë Italiane të KFOR-it ka humbur jetën pas një aksidenti rrugor.
“Sot në orën 15.30 me orën lokale, një ushtar i Ushtrisë Italiane i punësuar në baza e KFOR-it në Novoselë ishte viktimë e një aksidenti rrugor derisa ai ishte në bordin e një VM90 automjet ushtarak, përgjatë rrugës që lidh komunën e Pejës dhe Klinës.
Ushtari, në gjendje kritike dhe pa ndjenja, u transportua menjëherë me helikopter drejt Spitalit Amerikan në Prishtinë.
Rreth orës 16:50 ka ndodhur vdekja e ushtarit regjistruar.
Në mjetin e përfshirë në aksident ndodhej edhe një tjetër ushtar i cili u transportua në një gjendje të vetëdijshme dhe të qëndrueshme në Camp Villaggio Italia me ambulancë, dhe më pas u dërgua në spitali ushtarak në Camp Film City për kontrolle të mëtejshme.
Komandanti i KFOR-it, gjeneralmajor Özkan ULUTAŞ, shpreh ngushëllimet e tij:
“Shpreh ngushëllimet e mia të sinqerta. Mendimet e mia janë me familjen dhe miqtë e ushtarit që ndërroi jetë në këto rrethana tragjike. Të tjerëve urojmë dhe shpresojmë për një shërim të shpejtë “ushtar i plagosur.”
Aktualisht Policia Ushtarake Ndërkombëtare po heton në bashkëpunim shkakun e aksidentit me autoritetet vendore dhe ndërkombëtare“, thuhet në njoftim.