Siç është bërë e zakonshme në çdo provim të maturës shtetërore, edhe këtë të shtunë ku rreth 33 mijë nxënës janë ulur në banka për provimin e Gjuhës dhe Letërsisë, teza ka qarkulluar në rrjet.
Në ndryshim nga herët e tjera, me mesazhe po shpërndahen dhe fletët me përgjigjet e sakta.
Denoncim për publikimin e fletëve të provimi, ka bërë dhe deputeti demokrat Lucciano Boçi, i cili shkruan:
Teza e maturës së Letërsisë përsëri del nga klasat, për shkak të paaftësisë dhe korrupsionit njëkohësisht, të atyre që janë përgjegjës.
Për të mos u bërë pjesë e kësaj katrahure mature, vetëm për fakt, po postoj një fletë të provimit.
Pavarësisht fenomenit që është bërë i përsëritshëm çdo Qershor, Ministria e Arsimit ende nuk ka gjetur një mekanizëm sesi kopjimi të shmanget. Kjo sjell në jo pak raste zhdukjen e meritokracisë, dhe në sajë të kopjimit shumë maturantë kapin degë preferenciale në Universitet.
në Facebook, klikoni Join Group
…
/faxweb
