Një aksident me pasojë plagosjen e tre personave ndodhi pranë kryqëzimit të Milotit, në rrugën e Kombit.
Një autoveturë e cila drejtohej nga një avokat nga Laçi, goditi mjetin e policisë së Kurbinit ndërsa nga përplasja mbetën të plagosur avokati dhe dy efektivë. Ngjarja ndodhi në orën 02.30 të mëngjesit, teksa forcat e policisë ishin në patrullim në Rrugën e Kombit, kur automjeti i tyre u godit nga pas nga makina që drejtohej nga avokati.
Por edhe pse shkaktoi aksident avokati i identifikuar me mbiemrin Lleshi u largua nga vendngjarja.
Për ketë policia e shpalli ne kërkim ndërsa dy efektivët e lënduar nga aksidenti morën mjekimet ne spitalin e Laçit dhe ndodhen jashtë rrezikut për jetën.
Sipas bluve dyshimet janë se avokati Lleshi ka qenë i dehur në drejtimin e mjetit.
