Avokati Idajet Beqiri i ftuar në Shqip nga Rudina Xhunga në DritareTv u shpreh se pas Berishës i cili u shpall non-grata nga DASH-i, radhën e ka presidenti Ilir Meta. Beqiri tha se, Berisha dhe Meta do të dëshmojnë në gjyq kundër njëri-tjetrit.

“Edhe Meta është i një linje me Berishën, ka qenë që herët. Që në ’92-shin kanë bashkëpunuar me njëri-tjetrin. Këta janë edhe të akuzuar, por do të jenë edhe dëshmitarë për njëri-tjetrin.

Berisha ka thënë që Ilir Meta vodhi floririn e Kërrabës dhe e ka argumentuar si e vodhi. Dhe këtë e ka me zë me figurë.

Sikurse Ilir Meta ka thënë se Berisha është ai që e vodhi floririn dhe ky e ka argumentuar. Kështu që këta do të ballafaqohen me këto, do të thonë cila është e vërteta.

Dhe e vërteta është se floriri u vodh se po të mos ishte vjedhur mund të quhej fjalë në erë. Fakti që është vjedhur dhe këta akuzojnë njëri-tjetrin, këtu kuptohet që këta e pranojnë vetë një krim të tillë.

Por nga ana tjetër është po ky Berishë, që ka ndikimin më të madh për mosndëshkimin e Metës për atë që u zu me bllok në dorë, dhe ka figurë, është ajo videoja e famshme e Dritan Priftit, këto nuk janë pak.

Eshtë korrupsion galopant dhe Meta për atë duhet të ishte në burg. Iu desh një ditë më parë ta merrte Berisha, të hante drekë me të dhe t’u thoshte gjyqtarëve: “Mos u merrni me këtë se ky është i imi!”

Po është kryeministri i vendit dhe një njeri që akuzohet për korrupsion kaq të rëndë. Minimumi do të shkëputesh lidhjet me të për një fare kohë, nuk do thuash asnjë fjalë sa të gjykohet dhe kur të gjykohet e të marrë pafajësinë atëherë hapi derën.

Meta nuk po flet për Berishën non-grata se e ka vetë mbrapa veshit. Në rast se Berisha e mori goditjen nga SHBA si një Mugabe, Ilir Meta e mori nga vetja e vet.

Sepse me deklarimet që bëri gjatë fushatës, me qëndrimin ndaj ambasadores amerikane, me ato parullat e famshme me raketat, ky e çoi veten e vet dhe kreun e shtetit shqiptar në një katastrofe që s’ka ku të vejë më.

Meta ia bëri fillimisht vetës dhe tani pret bazmatanë që do t’i vijë nga mbrapa siç i erdhi Berishës. Do t’i vijë se ka bërë krime”, tha Beqiri.

Subscribe kanalin tonë në Youtube për të mos humbur asnjë video të re