Anëtari nga PD në tryezën e Reformës Zgjedhore, Oerd Bylykbashi ka thënë se opozita është e angazhuar për ecur me shpejtësi në drafte ndërsa ka lënë të nënkuptohet se dekriminalizimi nuk do të jetë pjesë e kësaj axhende, pasi e ka quajtur çështje specifike.
”Miratuam axhendën dhe afatet përgjatë këtij procesi ku do të ketë kontribute dhe miratim të paketave të ndryshme.
Opozita është e angazhuar për të ecur me shpejtësi në drafte duke pasur parasysh edhe punën që është bërë në Komision, kur opozita ishte palë e tij.
Ajo që ka rëndësi është që dokumenti i sotëm, metodologjia e tij përfshin gjitha çështjet politike, të shit- blerjes së votës, ndarja e politikës nga krimi, problemet e rënda zgjedhore, çështja e sistemit dhe të gjitha masat që kanë emërues të përbashkët elementin e vullnetit politik për të ndarë politikën nga shteti.
Një angazhim dhe standard i OSBE pa të cilën çdo ndryshim pëson fatin e ndryshimeve të që janë bërë deri më sot.
Kriminalizimi?
“Çështjet e substancës do të diskutohen nga ekspertët por nuk është momenti për çështjet specifike.”- thotë Bylykbashi.
