Kryetari i grupit parlamentar të Partisë Socialiste, Taulant Balla ka reaguar pas lajmit se kryedemokrati Lulzim Basha po hetohet nga Prokuroria për falsifikim dokumentesh dhe se dosja në ngarkim të tij është përgatitur tashmë për në gjykatë.
Në reagimin e tij Balla thekson se lideri i opozitës akuzohet për vepra të ndryshme penale dhe nuk mund tja hedhe vëtëm në një akuzë si falsifikator.
Gjithashtu Balla është shprehur se është e papranueshme që në prag të ngritjes së SPAK prokurorë të caktuar bëjnë amnisti. Sipas tij, Gjykata duhet ta rikthejë për hetim.
“L.Basha nuk mund të gjykohet vetëm si fallsifikator.Prokuroria në dokumentin e bërë publik ka vërtetuar pagesën 500mijë 💵 & vepra tjetër penale për të cilën u akuzua “Pastrimi i produkteve të veprës penale ose veprimtarisë kriminale” qëndron.Pse në konkluzion kjo akuzë mungon? Teksa shqiptarët presin të ngrihet SPAK është papranueshme që prokurorë të caktuar të bëjnë amnisti për vepra penale kaq të rënda. Gjykata nuk duhet ta pranojë dhe duhet ta rikthejë për hetim. Kjo dosje duhet të hetohet nga SPAK jo nga KÇK.”
