Zëvendëskryeministrja, njëherësh Ministrja e Infrastrukturës dhe Energjisë, Belinda Balluku, ka mbledhur Shtabin e Emergjencave Civile në Dibër pas tërmeteve të regjistruara mbrëmjen e djeshme.
Balluku ka kërkuar të identifikohen pasojat që janë shkaktuar nga tërmeti në institucionet kryesore si shkollat, spitalet dhe banesat e familjeve që mund të jenë dëmtuar dhe të kenë nevojë për ndihmë.
Ndër të tjera u ka bërë thirrje mediave mos të përhapin panik nëpërmjet lajmeve që publikojnë në situata të tilla.
“Mbas tërmeteve të 2019 tashmë kemi një menaxhim më të shpejtë, përgjigjja ka qenë e menjëhershme, kanë marrë veprime të shpejta ditën e djeshme. Duhet të bëhet identifikimi i pasojave infrastukturore të institucioneve, spitaleve, shkollave, por edhe banesave të familjeve që janë dëmtuar. Duhet ndërhyrë menjëherë me ndihmë sociale te këto familje. Gjithashtu u bëjmë thirrje mediave të përdorin informacione të sakta dhe jo të përhapin panik“, është shprehur ajo.
