Një familje në fshatin Kërçuk të Njësisë Administrative Ndroq të Tiranës, takoi drejtuesin politik të PD në këtë zonë, Belind Këlliçi, për të ndarë shqetësimin e tyre që i mundon prej tërmetit të parë të Shtatorit 2019.
Kjo familje qëndron ende në banesën e dëmtuar plotësisht si e vetmja mundësi për strehim.
Jetët e tyre vazhdojnë të jenë të rrezikuara brenda një banese që mund të shembet nga çasti në çast.
I njohur me situatën e kësaj familjeje, Belind Këlliçi kërkoi të informohej prej tyre se cilat institucione përgjegjëse për rindërtimin janë paraqitur për inspektimin e kësaj banese.
“Askush nuk ka ardhur në shtëpinë tonë”, u shpreh i revoltuar kryefamiljari.
“Na përbuzin”, vazhdoi ai, duke treguar rastet e trajtimit preferencial në fshatin Kërçuk, ku sipas tij, janë shpërdoruar fondet e rindërtimit deri për blerje automjetesh për përdorim vetjak.
“Na kanë hequr edhe ndihmën ekonomike prej 30 mijë lekësh”, shtoi zonja e shtëpisë duke treguar ambientet e brendshme të banesës.
Të gjendur pa ndihmë nga shteti, familjarët presin me shpresë 25 prillin si mundësi për të ndryshuar realitetin e tyre.
“8 vjet rrena që e kanë lënë Shqipërinë në vendnumëro” u shpreh Këlliçi nga brenda banesës. “E vetmja mënyrë është t’i largojmë bashkë më 25 prill”, kërkoi ai.
POSTIMI I PLOTE
Për llogari të kujt punon ti Erion? Për interesin publik jo e jo. 300 familje në Unazën e Re rrezikojnë të mbesin pa shtëpi!
Devijimin e lumit Lana për interesa klienteliste e quajnë “rehabilitim”.
Rehabilitim të kujt? Për kë? Për të gllabëruar tokën që t’i bësh gropën e ta bësh kullë? Maskara!