Banorët e ‘Unazës së Re’ u janë bashkuar sot studentëve që po protestojnë përpara Kryeministrisë.
Një grup i banorëve të kësaj zone të Tiranës që po përballet me rrezikun e shkatërrimit të shtëpive, u shprehën se ndodhen në protestë për të mbështetur të rinjtë.
“Këtu jemi për të protestuar për studentët, për kauzën tonë ne protestojmë te Unaza”, tha një prej banorëve.
“Studentët janë e ardhmja jonë”, shtoi ai, duke kërkuar nga të rinjtë që të mos tërhiqen nga protesta deri në realizimin e tetë pikave.