Sekretari i Përgjithshëm i Partisë Demokratike Gazment Bardhi dhe Albana Vokshi kanë debatuar me policinë teksa kanë tentuar të çajnë kordonin. Në një video të publikuar nga Shqiptarja.com, Bardhi shihet që u drejtohet policëve dhe u thotë t’i hapin rrugën.
“O zotëri a je mirë? Dua të kaloj në anë tjetër, na ke bllokuar rrugën, jemi qytetarë të lirë. O zotëri, dua të iki në shtëpi!”- thotë Bardhi.
Ndërkohë edhe Vokshi thotë pak a shumë të njëjtën gjë. “Duam të kalojmë na keni bllokuar rrugën,”- dëgjohet të thotë Vokshi.
Ndërkohë në këtë debat ndërhyn dikush. “Foli mirë policit, or çun,”- dëgjohet të thiotë ai, por nuk shihet se kush është.
Banorët e Unazës së Re kanë protestuar edhe mbrëmjen e sotme kundër shembjes së banesave të tyre. Në krye të protestuesve ishin Kreu i PD-së, Lulzim Basha, ish-deputeti Klevis Balliu dhe Endrit Braimllari.
Në përfundim të protestës janë shoqëruar në komisariatin e polciisë shtatë protestues, mes tyre edhe Balliu.
[youtube https://www.youtube.com/watch?v=K7rE-lpQkc4&w=560&h=315]