Kreu i Partisë Demokratike, Lulzim Basha ka komentuar “karrigen” bosh që i la kreu i Grupit Parlamentar të kësaj force politike, Gazment Bardhi në Komisionin për Reformën Zgjedhore.
Basha u shpreh se e gjithçka është bërë për karrige dhe jo për parime, duke shtuar se “Rithemelimi” donte postin e Enkeled Alibeajt në Komision.
Ai u shpreh se Enkeled Alibeja dhe PD në Komision po punon për listat e hapura dhe votimin e diasporën, por theksoi se deputetët e “Rithemelimit” sabotuan Reformën Zgjedhore.
“Këtu kuptohet qartë se kush ka qenë qëllimi i gjithë kësaj, e gjitha kjo ka qenë për karrige dhe jo parime. Të gjithë këta deputetë, këto flukse kanë pasur përfaqësitë e tyre në Komisionin e Reformës Zgjedhore por nuk erdhën. Nuk vinin me pretendimin se u duhej karrigia e Enkeled Alibeajt.
Pse e donin karrigen e tij. Për çfarë po e përdorte karrigen Enkeled Alibeaj dhe PD, për listat e hapura, për votimin e elektronik, numërimin elektronik dhe për votën e diasporën. Nuk kanë ardhur, ja dolën këta që e sabotuan Komisionin e Reformës Zgjedhore, garancitë që ky komision ofronte për tu futur në një kavanoz të ngushtë ku jo vetëm nuk ka garanci, por i mungon edhe transparenca.
Komisioni i Reformës Zgjedhore, duke qenë i rregullt, ndërsa këto kthinat e ngushta që çdo emri t’u vendosin nuk parashikohen as në Kushtetutë, as në ligj por janë rezultat i marrëveshjeve të tilla, jo në interes të shqiptarëve, por kundër interesit të tyre, qartësisht bëhen për të justifikuan veprime që do ti shohim në të ardhmen”, tha Basha.
