Kryetari i Grupit të PD-së, Gazment Bardhi ka replikuar ashpër me zv.kryeministren Belinda Balluku, të cilën e ka quajtur si përfaqësuesen e krimit të organizuar në qeveri.
Shkak për sherrit janë bërë deklaratat e Ballukut se falë PS u realizua reforma në drejtësi dhe ndaj po vepron ndaj të korruptuarve.
“Reforma në Drejtësi është bërë nga PS, keni qenë aty dhe se bëtë kurrë dhe nëse sot drejtësia është duke vënë në vend të drejtën e qytetarëve është duke u bërë për shkak të asaj reforme dhe transparencës që ka krijuar PS dhe qeveria. Këto historitë me ministrat që duhet të largohen, ju mund ta kërkoni por ministri do vazhdojë se po e bën punën mirë”, tha Balluku.
Por gjatë replikës, Gazment Bardhi ka thënë se Belinda Balluku ka çuar paratë e shtetit tek kompanitë e krimit të organizuar, ndërkohë që e ka quajtur zv.kryeministren si të përfshirë në korrupsion.
“Ajo gjezdis botën me lekët e shqiptarëve, na tregon ajo drejtësinë neve. Një përfaqësuese e krimit të organizuar, na flet për drejtësinë. Ke ti fytyrë të përmendësh drejtësinë?! Ti (Belinda Ballukut) je përfaqësuese e krimit të organizuar në qeveri”, tha Bardhi.
Replikat ne Kuvend
Belinda Balluku: Reforma në Drejtësi është bërë nga PS, keni qenë aty dhe se bëtë kurrë dhe nëse sot drejtësia është duke vënë në vend të drejtën e qytetarëve është duke u bërë për shkak të asaj reforme dhe transparencës që ka krijuar PS dhe qeveria. Këto historitë me ministrat që duhet të largohen, ju mund ta kërkoni por ministri do vazhdojë se po e bën punën mirë.
Ministrja do ju njoftojë se si po merren masat për ata mjekë për të cilët jemi të tronditur dhe neveritur për gjithçka kanë bërë, dhe ndërkohë do nisim një kërkesë për ndryshimin e urdhrit të mjekut për t’i hequr licencën këtyre mjekëve për gjithmonë… Çfarë bëjmë ne për sistemin e Drejtësisë këtë e dinë të gjithë shqiptarët.
Dashnor Sula: Kur i kape? Pse s’i kape në tre vjet… Mos fol kot o burri i dheut…
Gazment Bardhi: I çove lekët e shtetit të kompanitë e krimit dhe shkojë bëjë shoping me leket e shtetit. Kujt i flet ajo për drejtësinë?!
Lindita Nikolla: Ty të flet për drejtësinë dhe të gjithë të tjerëve.
Gazment Bardhi: Ajo (Belinda Ballukut) është e korruptuar…
Lindita Nikolla: Ju flasim për drejtësinë dhe të gjitha të tjerat që po behën. Ulu në vend…
Gazment Bardhi: Ajo gjezdis botën me lekët e shqiptarëve, na tregon ajo drejtësinë neve. Një përfaqësuese e krimit të organizuar, na flet për drejtësinë.
Lindita Nikolla: Ju tërheq vërejtjen…
Gazment Bardhi: Aman dhe ti (Nikollës) me këto vërejtje.
( Balluku ndërhyn nga vendi pa mikrofon)
Gazment Bardhi: Ke ti fytyrë të përmendësh drejtësinë?! Ti (Belinda Ballukut) je përfaqësuese e krimit të organizuar në qeveri.
Ina Zhupa: Ti je përfaqësuese e një qeverie që deri më sot nuk ka çuar asnjë dosje vetë në SPAK, si përfaqësuese e një qeverie që s’ka kallëzuar asnjë nga njerëzit dhe i zbulon vetëm kur i kap SPAKU ju duhet të kishit turp dhe ky parlament sot duhet të kishte pranuar interpelancën për skandalin te Onkologjikut.
