Basha: Berisha dhe një grusht kriminelësh kishin planifikuar gjakderdhje

basha3322-770x387-1-300x151.jpg

Ndajeni këtë artikull me të tjerë duke klikuar ikonat më poshtë

Kryedemokrati Luzlim Basha ka dalë sot në një komunikim për mediat nga selia blu.

Në fjalën e tij, Basha u shpreh se sot nuk është ditë për t’u krenuar, duke iu kundërpërgjigjur deklaratave të Sali Berishës i cili doli në një deklaratë nga selia blu përpara tij.

Basha shtoi se ndodhet në selinë e PD pa pushim së bashku me bashkëpunëtorët e tij dhe se ndjehet i trishtuar për çfarë ndodhi në dyert e selisë blu. Ai thumboi edhe Berishën duke u shprehur se:

“Sot nuk është ditë për të qeshur siç bëri ai që ishte pak më parë këtu. Në korrik Berisha tha se nëse PD nuk e merr në mbrojtje, atëherë PD nuk duhet të ekzistonte. Dhe për këtë tentoi gjithçka. Një person i akuzuar për korrupsion domethënës s’mund të marrë peng Partinë Demokratike.

Për fat të mirë dje nuk pati gjakderdhje siç kishte planifikuar Sali Berisha me një grusht kriminelësh. Ai i përdori si fasadë edhe qindra demokratë.  Eksitimi që nuk fshihte dot dje Berisha teksa komandonte me dorë dhunën. Njësoj si Edi Rama në 21 Janar, dhe këtu pikërisht unë ndahem nga të dy” – tha Lulzim Basha.

Ndajeni këtë artikull me të tjerë duke klikuar ikonat më poshtë