Kreu i Partisë Demokratike, Lulzim Basha ditën e sotme ka qenë në Peqin ku edhe është takuar me disa prej fermerëve në Pajovë.

Basha u ka premtuar se që në muajin e parë nëse PD vjen në pushtet do të nis aplikimi i subvencioneve, ku sipas tij do të jetë 100 milion euro në vit.

“Kanë shpik dy herë më shumë gjoba. Se lekët në buxhet shkojnë. Këto lek atje shkojnë por nuk vijnë tek njerëzit.

Nuk bëhen as rrugë as subvencione. Kjo qeveri i ka lekët por nuk ja ndjen për qytetarin e thjeshtë. Pikën e parë të ndihmës tonë ka subvencione si Kosova e Maqedonia. Për këto produkte që keni.

Nuk e shpikëm ne, por ne do e fillojmë që muajin e parë e deri në fund të mandatit minimalisht 100milion euro subvencione. Do përllogariten sipas llojit të prodhimit.

Plasmasi apo prodhimi sipas hektarëve. Apo sipas numrit të krerëve që mbarshtohen. Nga qeveria tek fermeri.

Mjafton karta e ID. Kjo do të arrijë që pesticidet, farat e fidanët, apo plugimi që i paguani nga xhepi. Pothuajse ju zeron këtë kostot shtesë. Tek të gjithë mjetet e punës kështu e nxirrni prodhimin me një kosto të ulët. Më pas nxirrni fitim dhe keni shitje.” ka thënë Basha.

Më tej Basha ka shtuar se qeveria e tij do të punojë për të thithur fonde edhe nga BE për fermerët.

“BE ka edhe fonde për fermerët. Qeveria është e paaftë që të thithë këto fonde. Por kjo qeveri i bën fondet beton apo i dërgon tek Bechetti. Edhe BE i ka gati fondet për të na ndihmuar. Siguria e produkteve” shpjegoi Basha.

Subscribe kanalin tonë në Youtube për të mos humbur asnjë video të re