Ish-kryetari i Partisë Demokratike Lulzim Basha ka vijuar ditën e sotme takimet me demokratët. Teksa ka ndarë një foto nga takimet, Basha shkruan se PD do i ofrojë shqiptarëve një model që mishëron kulturën e re politike.
Basha shton se PD ka nisur procesin e riorganizimit, për t’i shërbyer shumicës së shqiptarëve, që kanë braktisur modelet e vjetëruara dhe kërkon një ndryshim të vërtetë.
Më tej ai shton se kjo parti do ta sjellë këtë ndryshim, duke u bashkuar përmes vlerave dhe ideve në Aleancën Qytetare për Demokracinë.
Deklarata e plotë e Lulzim Bashës
Partia Demokratike do t’u ofrojë shqiptarëve një model që mishëron kulturën e re politike të ndërtuar mbi aktet dhe veprat e qendrestarëve, burrave dhe grave, të rinjve dhe të rejave që mbrojtën me vendosmëri vlerat dhe parimet që janë në themel të forcës sonë politike:
Aleancë e qartë me partnerët strategjikë;
Lufta pa kompromis ndaj korrupsionit;
Për pastrimin e politikës, duke u dhënë fuqi qytetarëve të zgjedhin me votë përfaqësues me integritet.
Mbi këto parime, Partia Demokratike ka nisur procesin e riorganizimit, për t’i shërbyer shumicës së shqiptarëve, që kanë braktisur modelet e vjetëruara dhe kërkon një ndryshim të vërtetë.
Partia Demokratike mund dhe do ta sjellë këtë ndryshim, duke u bashkuar përmes vlerave dhe ideve në Aleancën Qytetare për Demokracinë, nëpërmjet së cilës mund të formojmë një shumicë reformuese për të bërë ndryshimet kushtetues që mundësojnë:
Listat e hapura;
Vetting-un në politikë;
Kufizimin e mandateve;
Votën e diasporës.
