Pas vlerësimit që kryeministri Rama i bëri ministrit të mbrojtjes Niko Peleshit dhe emergjencave civile për mirëmenaxhimin e situatës së zjarreve në vend, ka reaguar deputeti i partisë demokratike Tomorr Alizoti, duke e cilësuar deklaratën e Ramës propagandë që shet dështimet si sukses.
“Është e qartë për të gjithë, braktisja e forcave të ushtrisë dhe skuadrave të emergjencave civile. Ata u përballën me zjarret me mjete rrethanore ndërsa Rama, shëtiste me helikopterin që duhej të ndihmonte në përballjen me zjarret”, shkruan deputeti demokrat ne Facebook.
Sipas Alizotit paaftësia e qeverisë bëri që shume prej pasurive natyrore të vendit të zhdukeshin dhe personeli i emergjencave civile të rrezikonin jetën për shkak të kushteve të këqija për fikjen e flakëve. Tomorr Alizoti i ka bërë thirrje organeve të drejtësisë që jo vetëm zjarrvënësit të marrin dënimin e merituar, por edhe ata që shpërdoruan detyrën.
