Kandidati i koalicionit “Bashkë Fitojmë”, për Bashkinë Rrogozhinë, Shkëlqim Hoxha në ditën e Fiter Bajramit ka pritur ka mirëpritur në xhaminë e qytetit Imamin Mitat Daja dhe Hatib Sokol Kondaçiu si edhe klerikë të tjerë.
Në një reagim në Facebook, Shkëlqim Hoxha thotë se kanë diskutuar lidhur me sfidat dhe vështirësitë që përballen çdo ditë qytetarët.
“Ishte kënaqësi e jashtëzakonshme që në këtë Ditë të Shenjtë, në kuadër të festës së Fiter Bajramit, si kandidat për kryetar bashkie i koalicionit “Bashkë Fitojmë” së bashku me stafin u mikpritëm në Xhaminë e qytetit nga Imami Mitat Daja dhe Hatib Sokol Kondaçiu e klerikë të tjerë.
Me ta diskutuam për vlerat e bashkësisë Islame dhe çdo bashkësie tjetër të Bashkisë së Rrogozhinës, si për sfidat dhe vështirësitë me të cilat përballemi të gjithë në jetën e përditshme.
Festa e Fiter Bajramit ka karakteristikë të veçantë solidaritetin dhe dashurinë për njëri-tjetrin, dashurinë për Zotin dhe ne rrogozhinasit do ta kemi gjithnjë e më të madhe sot e përgjithmonë.
Bashkëjetesa dhe harmonia fetare si kudo në Shqipëri edhe në Rrogozhinë është dhe do mbetet një vlerë e jashtëzakonshme, vlerë e cila duhet ruajtur, duhet promovuar edhe më shumë”, shkruan Shkëlqim Hoxha.
