Më shumë se merkatoja apo rinisja e kampionatit në Berat janë të fokusuar tek shitja e mundshme e aksioneve të klubit. Pas lajmërimit për nxjerrjen e klubit në shitje dhe ardhjes së kërkesës nga Pëllumb Salillari për blerjen e aksioneve që erdhi pas kërkesës së tifozëve të gjithë presin ecurinë e negociatave.
Nga ajo që mësohet nga klubi beratas dhe Bashkia Berat aktualisht pronarja e vetme e klubit me 100% të aksioneve ata nuk po përgatiten vetëm për vazhdimin e sezonit dhe arritjen e objektivave por edhe për këtë procedurë.
Specialistët në bashki kanë nisur nga puna për vlerësimin e aksioneve të klubit por edhe njohjen e procedurave për shtijen e klubit. Duket se tashmë mbeten të merren shembuj nga bashki të tjera që kanë kryer një procedurë të ngjashme dhe njohja me ligjshmërinë që përcaktojnë ministritë e linjës.
Duket se gjërat po bëhen serioze dhe pas marrjes së kërkesës nga Pëllumb Salillari mbi interesin e tij për blerjen e aksioneve nga sa mësohet nga burime brenda bashkisë edhe ata i kanë kthyer përgjigje për transparencë në të cilën do të kryhet ky proces, si edhe se janë të hapur për negociata në vazhdim.