Bashkimi Evropian paralajmëron se situata në Arakan të Mianmarit vazhdon të mbetet serioze dhe kërkon llogaridhënie për shkeljet sistematike të të drejtave të njeriut në këtë rajon.
Zëdhënësja e Komisionit Evropian, Maja Kocijançiç në konferencën e të hënës për media tha se përfaqësuesit e Komisionit këtë javë do të takohen me përfaqësuesit e Misionit të Pavarur Hetues Ndërkombëtar për Mianmarin, i cili u formua nën kujdesin e Kombeve të Bashkuara.
Ajo tha se gjatë takimit do të diskutohet në detaje raporti, i cili u përpilua nga Misioni pas një pune 18-muajshe në terren.
“Kurse masat që do të marrë Bashkimi Evropian në lidhje me këtë çështje,- vijoi Kocijançiç,- do të jenë objekt i konsultimeve të mëvonshme mes anëtarëve”.
Situata në Arakan vazhdon të mbetet e rëndë dhe se përgjegjësit për shkeljet sistematike të të drejtave të njeriut duhet të ndiqen penalisht.
Misioni i Pavarur Hetues i OKB-së për Mianmarin ka publikuar një raport, në të cilin kërkohet gjykimi në Gjykatën Ndërkombëtare Penale (GjNP) i drejtuesve të lartë të ushtrisë së Mianmarit, në mesin e të cilëve bën pjesë edhe shefi i shtabit të përgjithshëm Min Aung Hlaing, për gjenocid ndaj myslimanëve Rohingianë.trt
