Bashkimi Evropian ka krijuar një rezervë prej 540 milionë eurosh për t’u përgatitur kundër emergjencave të mundshme kimike, biologjike dhe bërthamore.
Në njoftimin e Komisionit Evropian thuhet se rezervat do të përfshijnë barna, pajisje dhe vaksina për të trajtuar njerëzit e ekspozuar ndaj situatave të tilla të jashtëzakonshme.
Gjithashtu, sipas nevojës, do të angazhohen personeli dhe pajisjet për dekontaminimin e njerëzve, infrastrukturës, ndërtesave, automjeteve ose pajisjeve kritike të ekspozuara ndaj këtyre substancave.
Si pjesë e këtij vendimi, BE-ja dërgoi rreth 3 milionë tableta jodur kaliumi në Ukrainë si hap të parë.
Kërkesa për tableta jodi është rritur në Evropë për shkak të shqetësimeve për luftën ruso-ukrainase dhe konfliktin pranë termocentralit bërthamor të Çernobilit.
Burimi: AA
