Bashkimi Evropian ka rënë dakord me Pfizer dhe BioNTech për të blerë një shtesë prej 300 milion dozash të vaksinës COVID-19, duke dyfishuar sasinë e dozave të porositura nga këta prodhues, tha të premten Presidentja e Komisionit Evropian Ursula von der Leyen.
“Sot, Komisioni Evropian u propozoi anëtarëve të BE blerjen e 200 milion dozave shtesë të vaksinës nga prodhuesit Pfizer dhe BioNTech, me mundësinë e blerjes së 100 milion dozave të tjera,” tha shefja e KE në një deklaratë.
Ajo shton se kjo “do t’i mundësojë BE-së të blejë deri në 600 milion doza të kësaj vaksine, e cila po injektohet tashmë në të gjithë BE-në,” raporton Reuters.
Von der Leyen tha se 75 milion doza shtesë do të shpërndahen në tremujorin e dytë të këtij viti.