Ne shpesh i marrim si dhuratë lukset dhe komoditetet e jetës sonë, duke harruar se shumë nga qeniet njerëzore po jetojnë një jetë ku edhe gjërat e domosdoshme themelore vështirë se gjenden. Gjërat e thjeshta në jetë të cilat ne i injorojmë dhe për të cilat nuk jemi kurrë falënderues, siç është uji i pijshëm i pastër dhe një shtëpi komode, janë luks në pjesë të tjera të botës.
Me këtë artikull dëshirojmë të tërheqim vëmendjen tuaj drejt atyre njerëzve që mund të mos jenë aq me fat sa ju në disa fusha të jetës së tyre.
Një familje e dashur
Mund të jemi acaruar ndonjëherë apo ndjerë edhe të padashur ndërsa ishim fëmijë kur prindërit tanë përpiqeshin të na disiplinonin ose të na mësonin sjellje të mira. Por ne duhet të jemi mirënjohës ndaj tyre për të gjithë dashurinë dhe përpjekjet e palodhura për të na rritur si qytetarë të përgjegjshëm.
Para se të mendoni se të keni një familje të dashur është një e drejtë, mbani mend se më shumë se 150 milion fëmijë në të gjithë botën janë jetimë të cilët që fëmijë nuk morën dashurinë dhe kujdesin, sukurse ne morëm.
Një shtëpi e rehatshme
Në botën e sotme, ne harrojmë ndonjëherë rëndësinë e të pasurit një çati mbi kokat tona dhe komoditetin e të fjeturit në një shtrat të ngrohtë komod.
Por kjo nuk është diçka që duhet ta konsiderojmë si të mirëqenë. Sipas një studimi të Universitetit Yale, më shumë se 150 milion njerëz janë të detyruar të kalojnë natën pa shtëpi dhe 1.6 miliardë njerëzve në të gjithë botën kanë mungesë strehimi. Vlerësimet sugjerojnë se problemi i pastrehësisë vetëm sa do të përkeqësohet në të ardhmen.
Ujë i pastër i pijshëm dhe energji elektrike
Për shumë prej nesh, marrja e ujit të pijshëm mund të jetë aq e thjeshtë sa të hapësh rubinetin. Dhe për shkak të kësaj, ne nuk na intereson shumë se sa ujë harxhojmë.
E njëjta gjë vlen edhe për energjinë elektrike dhe internetin. Ata janë bërë një pjesë kaq thelbësore e jetës sonë, është e vështirë të imagjinohet se në të kaluarën, ato as nuk ekzistonin.
Një në çdo 3 persona nuk ka qasje në ujë të pastër. Dhe vlerësohet se deri në vitin 2025, gjysma e popullsisë së botës do të jetojë në zona me ujë të stresuar. Historia për energjinë elektrike nuk është më e mirë, me një në çdo 6 persona që jetojnë pa energji elektrike. Veprimet tona të thjeshta si përdorimi i ujit me mençuri dhe fikja e dritave kur nuk i përdorim ato mund të shkojnë shumë përpara në përmirësimin e jetës.
Ujë i rrjedhshëm i nxehtë
Një pjesë e madhe e popullatës njerëzore jeton pa qasje ndaj ujit të sigurt. Për këta njerëz, marrja e ujit të mjaftueshëm është një luftë, e lëre më të të bëjnë dush në ujë të pastër dhe të ngrohtë.
Më shumë se 800 milion njerëz të tjerë do të duhet të udhëtojnë dhe të qëndrojnë në rradhë për të paktën 30 minuta për të pasur akses në burime të sigurta, përkundër përpjekjeve të mëdha që janë bërë për ta bërë ujin e sigurt të arritshëm për të gjithë.
Ajri i pastër
Askujt nuk duhet t’i mohohet ajri i pastër për të marrë frymë. Por gara jonë për prosperitet është duke e bërë ajrin të papërshtatshëm për frymëmarrje. Disa vende, që kanë ligje më të rrepta, kanë qenë në gjendje të kontrollojnë ndotjen e ajrit, ndërsa njerëzit në vendet me ligje më të rrepta janë të detyruar të vendosin maska jashtë dhe të përdorin pastruesit e ajrit në shtëpi.
Sipas OBSH-së, 92% e popullsisë botërore jeton në zona me cilësi të pashëndetshme të ajrit dhe është përgjegjëse për një në çdo 8 vdekje në të gjithë botën. Kështu që, nëse keni mjaft fat sa të jeni në mesin e 8% me qasje në ajër të pastër, duhet të jeni mirënjohës për këtë dhe të përpiqeni shumë ta mbani atë në atë ritëm.
Një edukim i mirë
Ndërsa arsimi është mënyra më e rëndësishme me të cilën njerëzit në mbarë botën duhet të fuqizojnë vetveten, nuk është lehtësisht i arritshëm për të gjithë, dhe aq më tepër nëse jeni vajzë. Siç vë në dukje UNICEF: Arsimi është një nga fushat më kritike të fuqizimit për gratë.
Më shumë se 72 milion fëmijë që janë në moshë të arsimit fillor, nuk janë në shkollë, dhe mbi 750 milion të rritur në të gjithë botën janë analfabetë , sipas Humanium, një OJQ ndërkombëtare e sponsorizimit të fëmijëve.
Miqtë
Të gjithë kemi miq të ngushtë, ose kështu mendojmë. Por kjo është larg nga e vërteta.
Sado e pabesueshme që mund të tingëllojë, një studim zbuloi se një në çdo 10 njerëz në Mbretërinë e Bashkuar nuk ka as një mik të vetëm të ngushtë. Ky studim zbuloi gjithashtu se 19% e njerëzve kurrë ose rrallëherë nuk ndjeheshin të dashur, në 2 javët para sondazhit. Kjo situatë është edhe më e rëndë në Japoni, ku 35.4% e burrave pohuan se nuk kishin një mik të ngushtë.
Aftësia për të festuar
Ne na pëlqen të festojmë. Sidoqoftë shpesh kërkojmë ngjarje të mëdha për të festuar dhe ndërsa jemi në pritje, ne anashkalojmë shumë mundësi më të vogla për të festuar. Por pavarësisht nëse festoni ngjarje më të vogla apo ngjarje të mëdha, duhet të jeni mirënjohës që mund të festoni. Jo shumë njerëz në botë kanë lirinë për të festuar.
Sipas të dhënave të publikuara nga Global Slavery Index, sot më shumë se 45 milion njerëz janë të bllokuar në një formë skllavërie dhe shumë më tepër janë të prekshëm dhe rrezikojnë të bëhen pjesë e saj. Sipas themeluesit të fondacionit, numri i njerëzve të bllokuar në skllavëri po rritet çdo vit.
Rrobat dhe këpucët
Ecja në plazh pa këpucë mund të duket freskuese apo edhe romantike gjatë kohës që jeni me pushime, por imagjinoni nëse do të duhej ta bënit atë çdo ditë dhe në temperatura djegëse, ose në zhavorr dhe shkëmbinj. Kjo sigurisht nuk do të duket interesante.
Qasja në rroba dhe këpucë të mira mund të mos duket si ndonjë gjë e madhe për shumë prej nesh, por për pjesën më të madhe të popullatës që duhet të punojë shumë edhe për nevojat themelore të jetës, blerja e rrobave të reja mund të duket si një ëndërr.
Sipas të dhënave të Bankës Botërore, rreth 750 milion njerëz jetojnë nën varfëri ekstreme, duke mbijetuar me më pak se 1.90 dollarë në ditë.
Një jetë e shëndetshme dhe një kujdes mjekësor
Nëse ju dhe anëtarët e familjes suaj keni një jetë relativisht të shëndetshme ose keni qasje ndaj kujdesit mjekësor të përballueshëm dhe të mirë, duhet ta konsideroni veten me fat dhe të jeni mirënjohës për këtë.
Sipas një raporti të përbashkët të Bankës Botërore dhe OBSH, të paktën gjysma e popullsisë së botës nuk mund të marrë shërbime themelore shëndetësore. Dhe për ata me fat që mund të lejojnë një formë të kujdesit shëndetësor, kostot janë aq të larta sa shtyn gati 100 milion njerëz në varfëri ekstreme (duhet të mbijetojnë për nën 1.90 dollarë në ditë).
/shkollaesuksesit.com
