Një diplomat iranian i akuzuar për planifikimin e një sulmi me bombë në Francë u dënua të enjten me 20 vjet burg në gjyqin e parë ndaj një zyrtari iranian nën dyshimin e terrorizmit në Bashkimin Evropian që nga Revolucioni i vitit 1979.
Prokurorët belgë e kanë shpallur Assadollah Assadi, një diplomat iranian në Vjenë, fajtor për përpjekjen për të sulmuar një tubim të Këshillit të Rezistencës Kombëtare të Iranit (NCRI) të opozitës pranë Parisit në qershor 2018, i cili u pengua nga policia gjermane, franceze dhe belge.
“Ky vendim jep prova të dy gjërave të rëndësishme: që diplomati nuk ka imunitet për krime dhe përgjegjësia e Iranit në përpjekjen për sulm terrorist,” u tha gazetarëve avokati belg Georges-Henri Beauthier para një gjykate në Antwerpen.
Gazetarët dhe publiku i gjerë nuk u lejuan të hynin në sallën e gjyqit, e cila ruhej nga policia me automjete të blinduara dhe helikopterë.
Kujtojmë se në atë aktivitet në Paris, ku do kryehej sulmi, ishin dhe zyrtarë shqiptarë, mes tyre dhe ministri i Diasporës Pandeli Majko.
