Kreu i Grupit Parlamentar të Partisë Demokratike, Gazment Bardhi, ka publikuar foton e një kartoni me dosje, ku thotë se janë provat e korrupsionit të zv.kryeministres, njëherësh dhe ministre e Infrastrukturës dhe Energjisë Belinda Balluku, të cilat i ka dërguar në SPAK.
Bardhi shprehet se nesër (28 shkurt), lidhur me këto dokumente, do të ketë një konferencë për shtyp, ndërsa thekson se ditët në vijim do të ketë edhe më shumë prova që sipas tij faktojnë korrupsionin e Ballukut.
Ndër të tjera, ai ironizon duke thënë: “S’i ka ecur fare Ramës me zëvendëskryeministrat”.
Postimi i Bardhit:
Belinda Balluku = Korrupsion!
11.3 kg prova për korrupsionin e nr. 2 të qeverisë kam dorëzuar këtë javë në SPAK! Edhe më shumë do të jenë nga nesër! Ju ftoj të më ndiqni të Premten, ora 11:30 në një konferencë për shtyp!
p.s. S’i ka ecur fare Ramës me zëvendëskryeministrat! 😉
