Deputetja e Partisë Demokratike, Jorida Tabaku e ka nisur me debat me ministrin Arben Ahmetaj fjalën e saj në Kuvendin e Shqipërisë.
Tabaku në replikë me ministrin është shprehur se ditë e zezë për vendin ishte qëndrimi i tij në qeveri, duke i përmendur faktin që të mos flasë në atë mënyrë pasi do të përfundojë në SPAK .
Tabaku: “Të dëgjosh batuta dy lekëshe të Ahmetajt që duhet të ishte para SPAK, kjo është për të qeshur. Ditë e zezë është qëkur erdhët ju këtu. Unë e kuptoj Ahmetaj që është në pozitë të vështirë vjen dhe flet dy tre fjalë dhe ikën, unë të gjithë shpifjet dhe kush ka folur kundër meje e çoj në SPAK. Shqiptarët pas këtyre dy krizave janë më të varfër. Është luks që të flasësh për drejtësinë dhe për pushtetin është përballë varfërisë së shqiptarëve që ikin nga Shqipëria.
Kolegët e mi të komisionit të ligjeve do të flasin më qartë, por për mua shqetësimi është kontrolli i pushtetit. Zyra e kryeministrit po kthehet në një kullë kontrolli, duke eleminuar kontaktin që kanë mediat me institucionin e ligjit, duke i mbledhur këto në një kullë kontrolli në zyrën e kryeministrit.
Ligji që po diskutojmë mbivendos funksionet e kodit. Shqiptarët nuk janë të shqetësuar as për kuvendin që është kthyer në një noter të qeverisë, por situata e vështirë e tyre, unë do të miratoj çdo marrëveshje vaksinimi apo çdo gjë tjetër që ndihmon në zhdukjen e pandemisë, por ta harrojë ai që foli dhe kushdo qoftë që do të vendosim për bashkëqeverisje. Për mua ka vetëm një kundërshtar dhe këto janë ato që janë sot në qeverisje dhe që kanë varfëruar shqiptarët. E keqja më e madhe e shqiptarëve duhet që të largohet”
Ahmetaj: “Jam në pozitë të vështire. Ju kujtoni se jeni kundërshtarët tanë. Nuk jeni ju, janë ato pengesa të zhvillimit që nuk e lejojnë Shqipërinë të bëhet ajo që duam ne. Ju nuk jeni kundërshtarët tanë. ne duam që ju të bashkëqeverisni me ne nëpërmjet inovacionit për qytetarët, me platforomën.”
