26 dhjetor- Në qytetin e Beratit u çel ditët e fundit edicioni i XXII i ekspozitës “Lear”, e cila ka mbledhur 55 artistë, që janë prezantuar me veprat e tyre në pikturë, skulpturë, vizatim dhe fotografi artistike.
Në ekspozitën e çelur galerinë “Eduard Lear”, ishte i pranishëm kryetari i bashksië, Ervin Demo, përfaqsues të tjerë të pushtetit vendor, artistë, artdashës etj,
“Rikthyem shkëlqimin e ekspozitës “Lear” – edicioni XXll, me pjesëmarrjen e 55 artistëve dhe 79 punimeve të gjinive dhe teknikave të ndryshme”, tha në fjalën e tij Demo.
Kryebashkiaku Demo u shpreh se “kemi kënaqësinë të kemi pjesëmarrës artistë të mirënjohur nga e gjithë Shqipëria si Kujtim Buza, Pashkë Pervathi, Nikolin Ivanai, Pandi Mele etj, dhe artistë beratas si Agron Polovina, Aleksandër Vreko, Llambrini Dena, Nezir Ago etj”.
Ekspozita do të qëndrojë e hapur deri më 10 janar 2020, vit që sipas Demos, do të jetë i mbushur me aktivitete të arteve pamore.
