Berat, lojëra fati pa licencë dhe ndërtim pa leje, dy të proceduar

Ndajeni këtë artikull me të tjerë duke klikuar ikonat më poshtë

Për dy qytetarë të Beratit ka filluar një procedim penal  në Prokurorinë e Rrethit Gjyqësor Berat.
Burime zyrtare nga komisariati i policisë së Beratit, bëjnë me dije se ka filluar një procedim penal ndaj 55- vjeçarit me iniciale F.M, pasi në lokalin e tij Bar- Kafe, është kapur duke ushtruar aktivitet me lojëra fati pa licencë.
Mbi 55- vjeçarin rëndojnë akuzat e “Organizimi i lotarive të pa lejuara’’, ‘’Vënia në dispozicion e lokaleve për lojëra të pa lejuara’’, ‘’Fshehja e të ardhurave‘’ dhe ‘’Mospagimi i taksave dhe tatimeve’’.
Gjithashtu një procedim penal ka nisur edhe për 75- vjeçarin S.R, i cili akuzohet për veprën penale ’Ndërtimi i pa ligjshëm’’.

Njoftimi i policisë:

Më datë 24.10.2017 nga Seksioni për Krimin Ekonomik dhe Financiar, filloi proçedimi penal në gjendje të lirë për shtetasin:
· F.M, 55 vjeç, banues në Berat, pasi në lagjen ‘’Muzakaj’’ në lokalin Bar-Kafe, u kap duke ushtruar aktivitet lojra fati pa liçensë.
Materialet i kaluan Prokurorisë së Rrethit Gjyqësor Berat, për veprat penale “Organizimi i llotarive të pa lejuara’’, ‘’Vënia në dispozicion e lokaleve për lojra të pa lejuara’’, ‘’Fshehja e të ardhurave‘’ dhe ‘’Mospagimi i taksave dhe tatimeve’’,parashikuar nga nenet 197, 198, 180 dhe 181 të Kodit Penal.
Më datë 24.10.2017, në vijim të ngjarjes së ndodhur më datë 24.09.2017, u referuan materialet shtesë në Prokurorinë e Rrethit Gjyqësor Berat, për shtetasin:
· S.R, 75 vjeç, banues në fshatin Çiflik, Ura Vajgurore, pasi u konstatua se kishte ndërtuar një objekt pa leje.
Materialet i kaluan Prokurorisë së Rrethit Gjyqësor Berat, për veprën penale ‘’Ndërtimi i pa ligjshëm’’, parashikuar nga neni 199/a i Kodit Penal.

Ndajeni këtë artikull me të tjerë duke klikuar ikonat më poshtë