20 gusht Në bashkinë e Beratit ka përfunduar pastrimi i kanalit vaditës, linja Otllak-Lapardha, 1.5 km i gjatë, duke zgjidhur problemin e vaditjes për rreth 100 hektarë tokë bujqësore.
Kryetari i bashkisë Berat, Ervin Demo u ndal sot te ndërhyrjet që po kryhen në Njësinë Administrative “Otllak”.
Ai tha se ndërhyrje kanë nisur po ashtu edhe te Pallati i Kulturës që ishte në gjendje të mjerueshme.
“Ndërkohë në një gjendje të mjerueshme ndodhej Pallati i Kulturës. Nisëm ndërhyrjet në ambientet e jashtme, duke e pastruar nga çdo papastërti”, tha Demo.
