Berati ka ende persona të pandërgjegjësuar që dalin në rrugë e sheshe. Qytetarët ankohen se nuk mund të mbyllin nevojat e tyre në vetëm 1-orë.
Dita e sotme e ka gjetur Beratin me lëvizje të shumta në rrugët e qytetit, ku shihje mjaft të rinj që vijonin ritualin e tyre të përditshëm, xhirot në pedonale e lulishte.
Të shumtë kanë qenë edhe qytetarët beratas, që me leje ose pa leje, i janë drejtuar marketeve e dyqaneve ushqimore, për të kryer nevojat e tyre familjare.
Po kështu, shumë qytetarë beratas i janë drejtuar mëngjesin e sotëm edhe filialeve të bankave për të tërhequr lekë e për të kryer pagesat si dhe filialeve të OSHE dhe Ujësjellësit,për të paguar faturat mujore.
