Subscribe
Ish kryeministri Sali Berisha i shpqëruar edhe nga kreu i Partisë së Lirisë Ilir Mrta kanë hapur zyrtarisht fushatën për zgjedhjet e pjesshme vendore për Bashkinë e Kukësi.
Deputeti i Partisë Demokratike, Flamur Noka, në mbështetje të kandidatit për kryetar të Bashkisë Kukës, Emri Vata, në fjalën e tij është shprehur se shkretimi i qytetit mban emrin e “Rilindjes” dhe të kryeministrit Edi Rama.
Noka theksoi më tej se mungesa e shpresës ka sjellë një largim masiv të qytetarëve nga vendi.
24 shtatori sipas deputetit është një moment i rëndësishëm dhe pikëkthese për Kukësin.
“24 shtatori është një moment i rëndësishëm, për Kukësin dhe kuksianët, është një pikë kthese historike. Kukësi ka përpara 2 modele, modelin e rilindjes si modelin më të zi post-diktaturë dhe modelin e njeriut të punës, të viryteve që përfaqësohet nga Emri Vata. Kemi pushtetin vendor që ka përdorur votën vetëm në kurriz të qytetarëve. Kukësi do ta bëjë zgjedhjen.
Rilindja mund të ndryshojë emrat, edhe fytyrat. Nga ana tjetër opozita paraqet këtu alternativën, që është i kundërt me atë të rilindjes. Ju keni përpara për të zgjedhur dy botë, botën e krimit që përfaqësohet nga rilindja dhe atë të virtyteve që përfaqësohet nga Emri Vata. Shkretimi i Kukësit ka vetëm një emër, rilindje dhe Edi Rama.
Mungesa e shpresës në këtë vend ka sjellë një eksod biblik. Rilindja ka sjellë këtu efektin e tokës së djegur. Ata kanë përdorur dhunë, terror shtetëror kundër kuksianëve. Kuksianët do të vendosin vetë fatin e tyre. Emri Vata është njeri i përkushtuar dhe me vlera. Është njeri që karrierën e tij e ka ngritur mbi bazën e përkushtimit”, tha Noka.
