Ish-kryeministri Sali Berisha  ka mbështetur vendimet e kreut të qeverisë së Kosovës Albin Kurti  në raport me situatën e tensionuar në veri  të Kosovës.

 

Gjatë një deklaratë për gazetarët Berisha ka vënë në dukje se pavarësisht se nuk është dakord me të gjitha vendimet e Kurtit, ai e mbështet atë.

 

SALI BERISHA

 

“Gjatë këtyre ditëve qëndrimin e Kurtit unë e kam si qëndrimin e një kryeministri që kërkon të mbrojë ligjet e vendit të tij. Unë nuk ndaj çdo qëndrim të tij, por po ti shohim vendimet ato janë për ligjin në të gjithë territorit”

 

Berisha ka komentuar edhe qëndrimin e Shteteve të Bashkuara dhe vendosjen e sanksioneve ndaj Kosovës.

 

 “Druaj se dënimet dhe sanksionet ndaj Kosovës lexohen si inkurajim për një nacionalist si Vuçiç”

 

Por lideri i opozitës është treguar i ashpër ndaj kryeministrit Edi Rama dhe qëndrimeve të tij në raport me zhvillimet në Kosovë.

 

 

“Të paralajmëruar për ata që e kanë të qartë se nacionalizmi serb në të gjithë qenien, projektin e tij ka vetëm Serbinë e madhe. Edi Rama ka qenë keto vite  një ndihmës i shpifur, i Aleksandër Vuçiç dhe ka futur thika pa shpine Kosovës në çdo moment. Pra mos harroni që Rama është një peng në duart e Vuçiçit.”

Subscribe kanalin tonë në Youtube për të mos humbur asnjë video të re