Zëdhënësja e Partisë Demokratike, Mirela Karabina, ka bërë një reagim pas akuzave që ish-kryeministri Sali Berisha, bëri ndaj Lulzim Bashës në lidhje me tenderat.
Ajo shprehet se Berisha nuk i zgjidh dot hallet dhe makthet e tij me mashtrime ordinere që riciklon ditë pas dite.
“Hallet dhe makthet e tij, Sali Berisha, nuk i zgjidh dhe as do t’i zgjidhë me mashtrime ordinere që riciklon ditë pas dite,” shprehet ajo.
Zëdhënësja e Bashës shton se Berisha duhet t’u tregonte Shqiptarëve pse në njërën anë bën sikur bllokon kuvendin dhe në anën tjeter i çon deputetët në komisionet parlamentare online.
“Sali Berisha sot duhet t’u tregonte Shqiptarëve pse në njërën anë bën sikur bllokon kuvendin dhe në anën tjeter i çon deputët në komisionet parlamentare online” shton Karabina.
REAGIM I ZËDHËNËSES SË PARTISË DEMOKRATIKE, MIRELA KARABINA
Hallet dhe makthet e tij, Sali Berisha, nuk i zgjidh dhe as do t’i zgjidhë me mashtrime ordinere që riciklon ditë pas dite.
Sali Berisha sot duhet t’u tregonte Shqiptarëve pse në njërën anë bën sikur bllokon kuvendin dhe në anën tjeter i çon deputët në komisionet parlamentare online.
Sali Berisha t’u tregoj shqiptarëve çfarë i është premtuar në këmbim të miratimit të marrëveshjes së Ramës për emigrantët.
Sali Berisha t’u thotë shqiptarëve pse nuk shkon të përballet me drejtësinë dhe të provojë pafajësinë por fshihet si struci.
Sot një fakt është i qartë dhe botërisht i ditur, Sali Berisha është person i padëshiruar në SHBA dhe Britani të Madhe dhe në kërkim nga SPAK.
Për hallin e tij personal, ka dy vjet që së bashku me Edi Ramën, mundohet të dëmojë PD-në, në këmbim të kullave të familjarëve të tij me shpifje e trillime që një ditë i pohon e një ditë i përgenjeshtron.
Vijon…
