Gjatë ceremonisë së 32-vjetorit të themelimit të Partisë Demokratike, Sali Berisha u shpreh se PD ka qenë gardiane dhe avokate e pamposhtur e interesit kombëtar.
Në fjalën e tij, ai tha se PD arriti rezultate të jashtëzakonshme dhe të dëshmohet lokomotivë e proceseve integruese europiane.
“Në këtë jubile të 32 vjetorit të themelimit të saj, përulem me nderimin më të madh para veprës, guximit të tribunit të lirisë Azem Hajdari dhe studentëve që ne me një zë i thërrisnim, liberatorë, apo engjëj të demokracisë që me guximin e tyre bënë të mundur fundin e epokës së monizmit në Shqipëri. PD u themelua 32 vite më parë si parti e lirisë e njerëzve më të shtypur. U themelua si parti e vlerave demokratike dhe ekonomike së tregut. Gardiane dhe avokate e pamposhtur e interesit kombëtar dhe çështjen kombëtare. Kjo parti arriti rezultate të jashtëzakonshme dhe të dëshmohet lokomotivë e proceseve integruese europiane”, tha Berisha.
