Home SHQIPERIA Berisha: Rama po tallet me popullin, PD do organizojë revolta të fuqishme

Berisha: Rama po tallet me popullin, PD do organizojë revolta të fuqishme

0
Berisha: Rama po tallet me popullin, PD do organizojë revolta të fuqishme

Ndajeni këtë artikull me të tjerë duke klikuar ikonat më poshtë

Berisha tha gjatë mbledhjes së Këshillit Kombëtar se PD e ka për detyrë kryesore organizimin e revoltave të fuqishme paqësore dhe në kohën më të parë të mundshme

 

E ritheksoj se veprimtaria e PD-së është dhe duhet të jetë detyrimisht shumëplanëshe. Duke u përqendruar me të gjithë potencialin e saj në organizimin, në aktivitetet e lidhura me primaret, ajo është dhe do mbetet, ka për detyrë kryesore organizimin e revoltave të fuqishme paqësore dhe në kohën më të parë të mundshme.As nuk është hequr dorë, as nuk do hiqet. Përkundrazi po punohet dhe do punohet me intensitet. Do bëhet gjithçka për të bashkërenduar këtë aktivitet me të gjithë faktorët e rëndësishëm të Frontit për Shpëtimin e Shqipërisë, me sindikatat, me forca të tjera politike.Nuk ka asnjë lloj ndryshimi në mendim se kjo betejë duhet të nisë sa më parë.

 

Kryedemokrati nuk e kurseu gjuhen e ashpër ndaj Ramës duke thënë se nëse ka njeri që po tallet me këtë popull që po shpërbëhet, është Kryeministri.

 

Koha është jashtëzakonisht e veçantë, e rëndë. Shikoni, në historinë e këtij vendi, Shqipëria ka pasur diktaturë gjakësore, ka pasur diktatorë që paraqiteshin liberalë, por pushkatonin në kufi.Por nuk ka pasur kurrë një kryeministër që tallej në mënyrën më cinike me qytetarët e vendit siç është Edi Rama.Dje u thotë u hoqa fashon, sot thotë se fashoja është në fuqi. Sikur nuk flet për qytetarët shqiptarë. Po sikur flet për kuzhinën e tij, për oborrin në Surrel. Sikur energjinë e nxjerr nga shtëpia e tij dhe i trajton shqiptarët si askush tjetër.Nëse ka njeri që po tallet me këtë popull që po shpërbëhet, është Edi Rama.Problemi është ku jemi ne? Nuk ka nevojë Edi Rama të na dhurojë më shumë për fitoren tonë se të këqijat që i ka bërë këtij populli.

 

Ndajeni këtë artikull me të tjerë duke klikuar ikonat më poshtë