Pas disa orësh përballjeje intensive me flakët, zjarri i përmasave të mëdha që shpërtheu në kodrat pranë Parkut Arkeologjik të Apollonisë në Fier është drejt neutralizimit të plotë.
Operacioni i ndërhyrjes u zhvillua me kapacitete të plota si nga toka, ashtu edhe nga ajri, me pjesëmarrjen e forcave zjarrfikëse, shërbimeve të emergjencave civile dhe mbështetjes nga mjetet ajrore.
Sipërfaqet e përfshira nga flakët, të cilat kërcënonin territorin e parkut historik dhe zonat me ullishte e vegjetacion të dendur, janë vendosur plotësisht nën kontroll falë koordinimit të shpejtë të strukturave të emergjencave.