Vetëm 2 javë para zgjedhjeve presidenciale në SHBA, kandidati demokrat Joe Biden, ka shpalosur vizionin e tij edhe për Shqipërinë dhe rajonin e Ballkanit. Në një deklaratë publikuar në faqen zyrtare Biden thotë se shtetet e bashkuara do të vazhdojnë mbështjen për Shqipërinë dhe rrugën e saj te anëtarësimit në Bashkimin Europian.
JOE BIDENKANDAIDAT PER PRESIDENT
“Forcimi i marrëdhënieve SHBA-Shqipëri përmes rritjes së marrëdhënieve në fushën e mbrojtjes, për t`u siguruar që Shqipëria të mbetet një aleat i fuqishëm në Nato e të zgjerojë marrëdhëniet ekonomike dhe tregtare mes dy vendeve. Do te vazhdoje mbbështetja per Shqipërinë në rrugën e saj drejt anëtarësimit në Bashkimin Europian. Do te ndihmojmë shqiptarët të realizojnë reformat e vështira- përfshirë ato të sundimit të ligjit, ani-korrupsionit, reformat e gjyqësorit dhe ato elektorale. Do te ndihmojmë, së bashku me partnerët europianë ekonomitë e rajonit të goditura nga pandemia, që të ndërtojnë një të ardhme më të sigurt.”
Në planin e tij për Kosovën, Biden synon që përmes dialogut me ndërmjetësimin e Bashkimit Europian prishtina e Beogradi të arrijnë marrëveshjen gjithëpërfshirëse që respekton integritetin territorial dhe njohjen e ndërjelltë mes dy vendeve.
JOE BIDEN KANDAIDAT PER PRESIDENT
“Do të punojmë në partneritet me Bashkimin Evropian për të ringjallur dialogun mes Kosovës dhe Serbisë me qëllim lehtësimin e një zgjidhjeje të drejtë dhe gjithëpërfshirëse mes dy vendeve që respekton integritetin territorial të Kosovës dhe arrin njohjen e plotë të dhe të ndërsjelltë.”
Por Kosova ka qene ne vëmendjen edhe te rivalit te Joe Biden. Presidenti Donald Trump, priti më 4 shtator kryeministrin e Kosovës Avdullah Hotin e presidentin serb Aleksandër Vuçiç në Shtëpinë e Bardhë ku u firmos edhe marrëveshja, e cila u konsiderua historike.
