Tashmë në bisedimet e para me udhëheqësit botërorë, Presidenti i sapozgjedhur i Shteteve të Bashkuara të Amerikës, Joe Biden, tregoi gatishmërinë e tij për të adresuar sfidat kryesore globale. Duke gjykuar nga një prej atyre bisedimeve, Ballkani Perëndimor është ndër temat kryesore të botës.
Në ditët pas zgjedhjeve, Biden mori urime nga e gjithë bota. Disa nga udhëheqësit evropianë që e uruan atë ishin kancelarja gjermane Angela Merkel, presidenti francez Emmanuel Macron dhe kryeministri britanik Boris Johnson.
Ishte në një bisedë telefonike me Johnson që u përmend rajoni i Ballkanit Perëndimor.
“Ndër përparësitë e diskutuara ishin pandemia Covid-19 dhe përmirësimi i sigurisë globale shëndetësore, arritja e një rimëkëmbje të qëndrueshme ekonomike, luftimi i ndryshimit të klimës, forcimi i demokracisë dhe puna së bashku për çështje të tilla si Ballkani Perëndimor dhe Ukraina,” tha zyrtari i ekipit të Biden.
“Presidenti i sapozgjedhur ka shprehur interes për të bashkëpunuar me Mbretërinë e Bashkuar, NATO dhe Bashkimin Evropian mbi përparësitë e përbashkëta transatlantike,” tha ai.