Presidenti amerikan Joe Biden autorizoi Pentagonin të dërgojë deri në 3000 rezervistë të ushtrisë amerikane në Evropë, njoftoi Shtëpia e Bardhë.
“Unë autorizoj Sekretarin e Shtetit, Sekretarin e Sigurisë Kombëtare dhe Rojet Bregdetare, kur nuk veprojnë si shërbim në Marinën, të urdhërojnë në detyrë aktive çdo njësi ose anëtar individual që nuk është caktuar askund, të jetë në shërbim të Komanda e SHBA në Evropë. Ky numër nuk duhet të kalojë 3000 ushtarë”, tha Biden.
Gjithashtu, nga ky numër, rreth 450 personel nga forcat rezervë individuale do të caktohen në USEUCOM (Komanda Evropiane e SHBA).
NATO, kurrë më e fortë
Vendimi vjen pas turit evropian të Bidenit këtë javë, ku ai vizitoi Britaninë e Madhe dhe Finlandën, me një samit të NATO-s në Lituani midis dy vizitave.
Në Helsinki, presidenti amerikan në një takim me liderët e vendeve nordike deklaroi se NATO nuk ka qenë kurrë më e fortë.
Gjatë takimit, Biden ofroi mbështetje për udhëheqësit nordikë për të demonstruar fuqinë dhe ndikimin në rritje të NATO-s kundër kërcënimit në rritje nga Rusia.
“Ne po shohim një ndryshim të plotë në strukturën e sigurisë evropiane si rezultat i lëvizjeve të Rusisë dhe vendet nordike janë afruar më pranë Perëndimit në përgjigje të veprimeve agresive dhe destabilizuese të Rusisë”, tha Shtëpia e Bardhë pas takimit.
